ശാസ്തൃശര്‍മന്‍ ‍- ശാസ്ത്രശര്‍മന്‍ ‍- ശാസ്ത്രുശര്‍മന്‍

സ്വന്തം പേര് തെറ്റായി പറയുന്നത് കേള്‍ക്കാനും തെറ്റായി എഴുതുന്നത് വായിക്കാനുമാണ് ഈ കവിയ്ക്ക് എന്നും വിധി. പത്രങ്ങളായ പത്രങ്ങളെല്ലാം ശാസ്തൃശര്‍മന്‍ എന്ന പേര് നേരാം വണ്ണം കൊടുക്കാറേയില്ല. അവരത് ശാസ്ത്രശര്‍മന്‍ എന്നേ എഴുതൂ. അധ്യാപകന്‍ കൂടിയായ ഇദ്ദേഹത്തിന് ഈ അക്ഷരത്തെറ്റ് ഒരിക്കലും തിരുത്താനുമാവുന്നില്ല. ഈയിടെ ശര്‍മന്‍ മാഷെ വേദിയിലിരുത്തി കുറെ പേര്‍ ഈ തെറ്റായ പേര് വിളിച്ച് അദ്ദേഹത്തെ അഭിസംബോധന ചെയ്യുകയും ചെയ്തു.അദ്ദേഹത്തിന്റെ പുസ്തകപ്രകാശനവും ചിത്രപ്രദര്‍ശനവും നടന്ന കൂട്ടത്തിലായിരുന്നു ഇത്.ചിലര്‍ സൌകര്യപൂര്‍വം (ഇത് ചിലപ്പോള്‍ സ്നേഹപൂര്‍വ്വവുമാവാം)ശര്‍മന്‍ എന്ന് മാത്രം വിളിച്ചു രക്ഷപ്പെട്ടു. പുസ്തകപ്രകാശനത്തിന്റെ വാര്‍ത്ത കൊടുത്ത ഒരു പത്രം ഏതായാലും തെറ്റൊന്ന് തിരുത്താന്‍ തന്നെ തീരുമാനിച്ചു.പക്ഷെ എന്തു ചെയ്യാം അതു ശാസ്ത്രുശര്‍മന്‍ എന്ന മറ്റൊരബദ്ധമാവുകയും ചെയ്തു.